المشهد :في يوم ما كان علي امتحان ميد تيرم لمادة اسمها ....المهم لما وصلت الكلية كالعادة كنت عاوزة اقف لوحدي فطلعت الدور الاول وده فيه زي ما تقولوا بلكونة كبيرة جدا (نصف دائرة) في وسط المبنى تطل على الساحة كلها تقريبا ..بحب اوى اقف فيها وانا ساكتة لوحدي ..
هنا وهناك ولاد وبنات (دكاترة) ولد واقف مع بنت او جروب مش مشكلة المناظر دي بقت عادية خالص خلاص ..اللي لفت نظري بقى ولد لابس حتة طقم شيك جدا ..تي شيرت مخططة خطوط عريضة بينك في ابيض ومش اي بينك ..بينك على اصوله فعلا وكان بنطلون ابيض ضيق جدا ..
انا والله ما فاكرة انا بصيت على الولد ولا لأ .. ولا ايه اصلا شكله بس انا قعدت ابص على البدي البينك والبنطلون الابيض ..
وصرفت نظري بعيدا ..يومها قعدت افكر ..بينك ايه يا عم الحاج اللي انت لابسه ده ..الطقم كله على بعضه ايه ده ..؟؟بجد ايه اللي بيحصل ..؟
هتقولي شياكة ..انا عارفة والله ان الطقم شيك جدا وان حضرتك دكتور محترم وابن ناس ..
بس معلش الطقم ده والله ما رجالي ابدا ؟؟هو حضرتك اخدته من اختك الصغيرة ؟؟
بجد تعالوا نتكلم بالعقل كده ..
طول النهار والليل ندعو الله سبحانه وتعالى ان يحجب بنات المسلمين وان ينعم عليهن بالستر والعفاف ..
مع احترامي الشديد وتعظيمي للحجاب وخاصة للبنات ..
مش المفروض بردو الولاد يبقوا يتحجبوا ؟؟
انا ما اقصدش يلبسوا طرحة فوق راسهم او اسدال انا كل اللي اقصده انه للرجال بردو حجاب ..ولكن من نوع خاص هتقولي فين الدليل اقولك ان الرسول والصحابة عمرنا ما وصلنا عنهم ان حد فيهم كان لابس الالوان الجميلة دي ..لابينك ولا موفي ولا فويلت ..ولا عمرهم كان لبسهم ضيق بالطريقة دي ..
عيب والله عيب ..
انتو طبعا عارفين ان لبس الشخص بيدل على شخصيته ..ماشي حضرتك بقى ياصاحب الطقم والملايين الان معك شخصيتكو ايه من لبسكو ...؟؟
رجال ؟أم صبية ؟أم اجنة اصلا؟؟
تعال معايا نفكر شوية لو اسامة ابن زيد وهو ذاهب لفتح الشام بعد وفاة الرسول شافك وانت لابس الطقم ..تفتكر هيقول ايه؟؟
تفتكر هيفتكرك من جنوده ؟؟تفتكر هو كان ممكن لابس زيك كده ؟؟؟
بصدق شديد ..تعال نفكر لو الرسول شافك كأنه كان واقف مكاني ..كان هيقولك ايه؟؟هيفرح بيك وبالشياكة دي ؟؟ولا ايه ؟؟
تفتكر بجد انت دلوقتي اهل لان تكون من الشهداء ؟؟انك مثلا تقاتل في سبيل الله ؟
انك رجل مسلم تدافع عن اسلامك ودينك ؟؟انك تنقذ اخت ليك مسلمة من البوسنة او الهرسك ؟؟بتنادي كل يوم عليك وامسلماه ؟؟مسلماه ايه بقى يا ست الحاجة؟؟تبقي المرة الجاية تقولي وابينكاه !!!!!
يا الله بجد الصحابة دول ازاي ربنا نصرهم دنيا وأخرى ؟؟هل كانوا اصحاب البينكات والفويلت والبناطيل البيضاء الضيقة؟؟
ولا ايه؟؟
طيب هتقولي ما كانش عندهم الحاجات دي ؟؟هقولك مثلا اي حد مسلم انت بتتخذه قدوة حسنة قولي اي حد بامانة كده عمرك فكرت هو ممكن يلبس اللبس اللي انا لابسه ده؟؟ ورغم كده هو عشرة على عشرة في الشياكة والاناقة ..
الامر بجد كبير ومحتاج منا الى وقفة ..
كل ما اشوف حاجة زي كده بفتكر الاندلس وازاي ضاعت وما رجعتش ..
بجد بفكر في مصر حبيبتي ..والقدس وفلسطين روحي ..في السعودية أماني ..في كل حتة في بلادي ..
بفكر ..ياه اهيه لبنان والعراق اتاخدوا تاني والدور الباقي على سوريا ثم مصر لغاية ما كلنا نتاكل كالبهائم !!
بفكر بجد هو احنا فين دلوقتي من الجنة ؟؟
هل ممكن حد فينا يشتم رائحة الجنة قبل ما يموت ..؟؟
بفكر في الرسول هل هو راض عن افعالنا ولا ايه؟؟
بفكر في ربنا ..يا ترى هو بينظر الينا الان نظرة ايه؟؟رحمة ام غضب؟؟
يا الله
امتى بقى يجي النصر؟؟امتى بقى نفوق ؟؟امتى بجد نرجع مسلمين ؟أنا ما بقولش مؤمنين ولا محسنين ده انا بقول مسلمين..؟؟
يا الله...الامر بجد اكبر من مجرد ولد او شاب لابس بينك ..البس زي ما انت عاوز بس الله يكرمك تبقى تفتكر وانت بتنقي لبسك ربنا والرسول والست اللي اتنبح صوتها بتنادي عليك ..تبقى افتكر امتك ..
تبقى افتكر حمزة ابن عم المطلب وخباب ابن الارت ..وصلاح الدين ..وأحمد ياسين ..
تبقى افتكر حاجات كتير ..
افتكر دمعتي وانا بكلمك ان الله يخليك ما تخليش الاعداء بالبينك بتاعك يطمعوا فينا اكتر مما هما طمعانين ..
بلاش لو سمحت ..
وبعد كده نقي اللي انت عاوزه ...
هنا وهناك ولاد وبنات (دكاترة) ولد واقف مع بنت او جروب مش مشكلة المناظر دي بقت عادية خالص خلاص ..اللي لفت نظري بقى ولد لابس حتة طقم شيك جدا ..تي شيرت مخططة خطوط عريضة بينك في ابيض ومش اي بينك ..بينك على اصوله فعلا وكان بنطلون ابيض ضيق جدا ..
انا والله ما فاكرة انا بصيت على الولد ولا لأ .. ولا ايه اصلا شكله بس انا قعدت ابص على البدي البينك والبنطلون الابيض ..
وصرفت نظري بعيدا ..يومها قعدت افكر ..بينك ايه يا عم الحاج اللي انت لابسه ده ..الطقم كله على بعضه ايه ده ..؟؟بجد ايه اللي بيحصل ..؟
هتقولي شياكة ..انا عارفة والله ان الطقم شيك جدا وان حضرتك دكتور محترم وابن ناس ..
بس معلش الطقم ده والله ما رجالي ابدا ؟؟هو حضرتك اخدته من اختك الصغيرة ؟؟
بجد تعالوا نتكلم بالعقل كده ..
طول النهار والليل ندعو الله سبحانه وتعالى ان يحجب بنات المسلمين وان ينعم عليهن بالستر والعفاف ..
مع احترامي الشديد وتعظيمي للحجاب وخاصة للبنات ..
مش المفروض بردو الولاد يبقوا يتحجبوا ؟؟
انا ما اقصدش يلبسوا طرحة فوق راسهم او اسدال انا كل اللي اقصده انه للرجال بردو حجاب ..ولكن من نوع خاص هتقولي فين الدليل اقولك ان الرسول والصحابة عمرنا ما وصلنا عنهم ان حد فيهم كان لابس الالوان الجميلة دي ..لابينك ولا موفي ولا فويلت ..ولا عمرهم كان لبسهم ضيق بالطريقة دي ..
عيب والله عيب ..
انتو طبعا عارفين ان لبس الشخص بيدل على شخصيته ..ماشي حضرتك بقى ياصاحب الطقم والملايين الان معك شخصيتكو ايه من لبسكو ...؟؟
رجال ؟أم صبية ؟أم اجنة اصلا؟؟
تعال معايا نفكر شوية لو اسامة ابن زيد وهو ذاهب لفتح الشام بعد وفاة الرسول شافك وانت لابس الطقم ..تفتكر هيقول ايه؟؟
تفتكر هيفتكرك من جنوده ؟؟تفتكر هو كان ممكن لابس زيك كده ؟؟؟
بصدق شديد ..تعال نفكر لو الرسول شافك كأنه كان واقف مكاني ..كان هيقولك ايه؟؟هيفرح بيك وبالشياكة دي ؟؟ولا ايه ؟؟
تفتكر بجد انت دلوقتي اهل لان تكون من الشهداء ؟؟انك مثلا تقاتل في سبيل الله ؟
انك رجل مسلم تدافع عن اسلامك ودينك ؟؟انك تنقذ اخت ليك مسلمة من البوسنة او الهرسك ؟؟بتنادي كل يوم عليك وامسلماه ؟؟مسلماه ايه بقى يا ست الحاجة؟؟تبقي المرة الجاية تقولي وابينكاه !!!!!
يا الله بجد الصحابة دول ازاي ربنا نصرهم دنيا وأخرى ؟؟هل كانوا اصحاب البينكات والفويلت والبناطيل البيضاء الضيقة؟؟
ولا ايه؟؟
طيب هتقولي ما كانش عندهم الحاجات دي ؟؟هقولك مثلا اي حد مسلم انت بتتخذه قدوة حسنة قولي اي حد بامانة كده عمرك فكرت هو ممكن يلبس اللبس اللي انا لابسه ده؟؟ ورغم كده هو عشرة على عشرة في الشياكة والاناقة ..
الامر بجد كبير ومحتاج منا الى وقفة ..
كل ما اشوف حاجة زي كده بفتكر الاندلس وازاي ضاعت وما رجعتش ..
بجد بفكر في مصر حبيبتي ..والقدس وفلسطين روحي ..في السعودية أماني ..في كل حتة في بلادي ..
بفكر ..ياه اهيه لبنان والعراق اتاخدوا تاني والدور الباقي على سوريا ثم مصر لغاية ما كلنا نتاكل كالبهائم !!
بفكر بجد هو احنا فين دلوقتي من الجنة ؟؟
هل ممكن حد فينا يشتم رائحة الجنة قبل ما يموت ..؟؟
بفكر في الرسول هل هو راض عن افعالنا ولا ايه؟؟
بفكر في ربنا ..يا ترى هو بينظر الينا الان نظرة ايه؟؟رحمة ام غضب؟؟
يا الله
امتى بقى يجي النصر؟؟امتى بقى نفوق ؟؟امتى بجد نرجع مسلمين ؟أنا ما بقولش مؤمنين ولا محسنين ده انا بقول مسلمين..؟؟
يا الله...الامر بجد اكبر من مجرد ولد او شاب لابس بينك ..البس زي ما انت عاوز بس الله يكرمك تبقى تفتكر وانت بتنقي لبسك ربنا والرسول والست اللي اتنبح صوتها بتنادي عليك ..تبقى افتكر امتك ..
تبقى افتكر حمزة ابن عم المطلب وخباب ابن الارت ..وصلاح الدين ..وأحمد ياسين ..
تبقى افتكر حاجات كتير ..
افتكر دمعتي وانا بكلمك ان الله يخليك ما تخليش الاعداء بالبينك بتاعك يطمعوا فينا اكتر مما هما طمعانين ..
بلاش لو سمحت ..
وبعد كده نقي اللي انت عاوزه ...
هناك ١٤ تعليقًا:
المشكلة ان بأسأل نفسي
البنات دي ملهاش أهل
و تتصدمي لما تعرفي ان اهلهم عادي و مقتنعين ان كده مفيش مشكلة و عادي
و تلاقيهم يقولوا ده احنا الحمد لله ملتزمين
المشكلة في اغلب الاحيان بتكون مشكلة فهم
الاعلام صور الدعاة على انهم ارهابيين فاصبح الناس مش بتسمعلهم
و بكده الدعوة الصح مش هتوصلهم
اغلب النوعيات البينك دي مبتكونش فاهمة حاجة عن الدين و متعرفش ان ده حرام
و قليل منهم اللي عارف أو يأجل و يقول بعدين
ربنا يهدي الجميع
بس ايه المادة المنقّطة اللي في أول سطر دي ؟
نقط ؟
للعين و لا الانف :)
تحياتي
ياااااااااااااااااااه دا انا قلت هاسبق علاء والله مش ممكن يا علاء ربنا يبارك فيك يا رب
مجموعة حلك فاي يا باشمهندس
.....
التعليق بقى
يعني أنا بسأل نفسي يعني هوا الواد ده مستحمل نفسه
بس الواحد لما بييجي يتعامل معاهم يلاقيهم ناس طيبة جدا
وزي ما قالالمهندس السريع علاء مش عارفين دا حرام ولا حلال
....
تلاقي الواد ماشي ****..المهم.. زي البنات بالظبط وعامل فيها أبو الرجالة وجدهم ...ووهوا ولا حتى نص عيلة صغيرة ..كل دنيته شعره وهدومه والعربية ..
....
بس بجد فيه نماذج كتير بتكون لابسة كده
بس رجالة رجالة يعني
...
أنا قبل كده لقيت أخ فاضل لابس تي شيرت أقصر منه بتاع مرتين تلاتة
أول ما شفته
فضلنا تلات ساعات نتريق عليه ..لحد ما الواد قلبها كلاسيكي
....
وجزاكم الله خيرا
...
لكن في النهاية اللبس ده مش سبب دي مجرد أعراض للمرض الكبير
ومش أساس في الموضوع وبالذات للولاد
دكتورة ولاء
محتاج رأيك بخصوص الموضوع ده
تجمع مدوني مصر .. حقيقة قابلة للتنفيذ أم حلم بعيد عن الواقع
علاء اخي ..
أي بنات تحدثت انا عنهن الان ..؟؟
لست افهم حقيقة ردكم والله ..
البينك الذي اعنيه هو اللون الزهري الفاقع ..
مممممم
ربما هذه هي العقبة امام فهم حضرتك..
انتظركم وانتظر ردك بعد فهم .
...............
أما عن المادة .._هي نقط للفم يا ...._
ههههههههه
بلاش تخلو الصيادلة يخرجو عن شعورهم ..بلاش ..
المادة اسمها physical pharmacy
حد فهم حاجة ..:)
تحايا وتقديرات ..
بلال ..ابو رباح ..
اوافقكم الرأي فعلا ..في أغلب الاحايين وفعلا ليس الثياب هي اساس المشكلة ..هناك مشكلة قابعة خلف جدران النفس البشرية الان ..
واما عن ان ثياب الرجال ليست بتلك الاهمية او الاساس في الموضوع ..
ممممممم
لا اجدني هناك اخالفكم الرأي قليلا ..
واجد للموضوع اساسات كثيرة نفسية واسلامية وتربوية ..
:):)
جزيتم الجنة ..
هناك مشكلة قابعة خلف جدران النفس البشرية الان ....
هوا حضرتك ثقافتي كلها عربي
.....
physical pharmacy حد ما يعرفش
كسفت المهندسين يا أخ علاء
يا للهندسة
....
أما عن ملابس الرجال أؤكد مرة أخرى أنها ليست لاعبا أساسيا هنا
فالمؤثر الأساسي فيها هي المجتمع ولا يدخل فيها الدين بشكل كبير كما ملابس النساء التي حدد لها الإسلام ضوابط معينة
أي أن معايير ملابس الرجال نسبية
أي أن هناك من سيخالف حضرتك في الرأي
.....
انا كنت باتكلم عن البنات اللي في الجروب اللي واقفين مع الواد
اصل استفزني كلمتك ان ده اصبح عادي
لان المنظر عمره ما كان و لا هيكون عادي عندي
و لا عيني هتتعود عليه
فاتكلمت عن البنات
و بعدين اتكلمت عن نوعية الشباب البينك
و اعتقد انك استجهلتيني أوي لما شرحتي يعني بينك و قلتي ان دي عقبة في فهمي
اصلي بصراحة مبحبش التريقة
كان اسهل لو كنتي سألتي و خلاص
يا بلال الاخت ما ذكرتش اسم المادة اصلا في المقال و وضعت ماكنه نقط
سلام عليكم
علاء اخي ..
ورب الكعبة الذي يعلم ما بالقلب ويعلم انني قسما به ما اردت يوما ولا يومها بحضرتك تريقة او مزاحا ..اقسم ان ما اعنيه كان عين ما قصدت ..
لا ادري والله أظهر هذا من حديثي أم ماذا ؟؟اعتذر ..اولا واخرا ..اعتذر كثيرا ..ويملؤني العتب عليكم كيف ذلك مني ؟؟
عند حضرتك حق في ان البنات امرهم غير عادي ولكن ..أتعلم ألف المعصية ..فاصبح الامر اشبه بالامر الطبيعي جدا
اخي علاء ..
اما عن المادة ..انا آثرت ان اضعها نقط حتى لا يكون كالشئ الخاص انما اردت ان اعتبره كأن القارئ كالناظر .
غفر الله للجميع ..
اللهم عونا ..
خلاص يا أخ علاء ماتزقش طيب
أنا آسف يا سيدي
وثم أنا مانفعش أصلا
أقول إنك كاسف الهندسة دا حضرتك ما شاء الله من الأوائل
وأنا ما شاء الله
..
اه طلب أخير
حذائك من فوق قدمي أخ علاء
شكشان
وجزاكم االله خيرا
أراح الله قلبكِ و أرضاكي و جعلكي من اهل الجنة
بلال
ربنا يجعلك برده من الأوائل يابلال ان شاء الله
طيب يا ترى لو سألنا هذا الشخص عن اللي عاجبه في هذا اللون يكون شو رده
المشكلة ان احنا بتفكيرنا أصبحنا رجعيين ومتشددين حتى في ملابسنا وألوانها وشكلها يعني ما بكفي اننا بنضيق على البنات في لبسهم لأ وكمان لاحقين الأولاد وننكد عليهم عيشتهم
وفي النهاية اللي مش عاجبه هذي الألوان ما يلبسها ولا يتطلع على اللي لابسها وهيك يريح نفسه ويريح الناس من لسانه
وكمان يا عالم الناس مش بمظاهرها الناس بالجوهر هو يعني المشكل يعكس اللي جوا بس مش دايما يكون الانعكاس صحيح
يعني ممكن هذا الشخص من كثر الإحباط اللي عايشه جواه بحاول يفضفض عن نفسه بإنه يلبس لون فرايحي وهادي
فعلا أنا بتعجب من هذي التربية اللي الوالد فيها بشوف ابنه طالع من البيت لا علاقة لمظهره بمظهر الرجال ولا حتى بمظهر البنات المحترمات ويقول سيبوا الولد على راحته وفي النهاية بنستنى النصر
والله انتي تحفة
أقولك على موقف
مرة كنت في محل بشتري هدوم انا وماما
واحنا واقفين في حد جه وقف ورانا بس ما كناش شايفين ملامحه لانه كان من ضهره
شوفي المنظر
بدي ضيييق جدددددا ولونه ابيض
ماعلينا من اللون حلو وفل
انزلي تحت عالبنطولن بردو ضيق جدددددددا
هو جينز اه
بس ما اقولكيش على التظريز الفظيع المريع اللي فيه
مستحيل يكون بنطلون ولادي
والادهى والامر لما تطلعي فوق تاني
تلاقي شعر مسبسب يعني لو سابه شوية كمان هيبقى اطول من شعري وشعرك
المهم ماما لسه هتقول للامورة (شوية لو سمحتي ) عشان نعدي
لقينا شنب
ههههههههاي
كان موقف لذيذ
حاجة كمان
صحيح ان المظهر مش هو الاساس في الشخصية
بس جزء كبير جدا منها
واكتر حاجة بتفرسني في شباب اليومين دول
موضة تطويل الشعر
ويقولوك ايه سنة
ما الرسول كان بيطول شعره
اقولهم اه
لما تلتزم بسنن الرسول الفعلية والقولية
والسنن المظهرية الاخرى
ويبقى فاضل سنة تطويل الشعر ابقى طوله براحتك
لان دلوقتي تطلو شعرك وانت لابس جينز وتي شيرت عادي
يبقى مش سنة
وده في العرف والعادات والتقاليد
واسلامنا ما اتبناش على حلال وحرام بس
المهم انا طولت ورغيت
بس عادي بقى يا دوك
جزاكم الله خيرا يا جميل
ربنا يرزق شبابنا الهداية
ربنا يستر
بجد موضوع خطير و محدش واخد باله منه
المشكلة ان الناس بتتعامل على اساس ان الموضوع بسيط و عادي و غيره هو الشاذ الصعب
عموما جزاكم الله خيرا على الموضوع القيم
سلام
السلام عليكم و رحمة الله وبركاته
أختى
صورة الأولاد و البنات دى عمرها ما حتكون صورة عادية
لان ده هو الشاذ فى القاعده
ولو حصل وأحنا اعتبرناها شىء عادى
نأثم على ذلك ويكون العيب فينا احنا
شىء تانى
ياريت تبقى تغيرى غثم المقال للعربى لأن فى ناس كتير اعتقد انها متعرفش ايه هو لون البينك
شىء آخر
أنا أعترض معك فى بعض النقاط وهو إعتراض فى المبدأ وليس فى الموضوع
حضرتك قولتى ان الرسول صلى الله عليه و سلم و لا الصحابة ورد عنهم انهم لبسوا لون زى ده
وده مش معناه اننا محرم علينا لبسه
وانما الحلال بين و الحرام بين
واللى يمنعنا من لبسه هو عادتنا وتقاليدنا التى تحكمنا كشعب عربى
شىء تانى
بالنسبة لموضوع حجاب الرجل
انا معك فلابد أن يلتزم الرجل باداب اللباس وليعلم أنه كما له بصر ينظر به فلـ النساء أبصار ينظرن به
شىء تانى
ربنا يرحمك يا عطية من شدة حيائها وحرصها على انها متبصش لحد لو كنا جبنالها صورة عامة للكليه و عرضناها عليها مكانتش تعرف ان دى كليتها اللى بتروحها
لأنها طول ما هى ماشية عينها فى الأرض
ربنا يكرمها ويزود من أمثالها ويرزقنا بواحده زيها
أسف على الإطالة
السلام عليكم
إرسال تعليق